ÚTBÚGVINGARMØGULEIKAR Á MASKINDEILDINI

Á maskindeildini á Vinnuháskúlanum er møguleiki at taka tvær útbúgvingar. 


Maskinmeistaraútbúgvingin

Maskinmeistaraútbúgvingin tekur 3 ár. Hon er bygd upp sum ein modulskipan, har modulini vara eitt hálvár. Hvørt hálvár vera undirvísingarmodul koyrd, sum í flestu førum enda við próvtøku við endan á hálvárinum. Næsta hálvár koyra nøkur onnur modul.

Útbúgvingin gevur førleika til sjóvvinnubræv eftir kapitli III/2 í STCW`95 konventiónini, tá ið krøvini til starvsvenjing eftir manningarlógini eru lokin. Hetta gevur rættindi at sigla sum maskinmeistari, við rang samsvarandi starvsvenjing, á øllum støddum av motorskipum.

Útbúgvingin gevur eisini ástøðiligt grundarlag fyri m.a.:

  • at fáa løggilding sum elinnleggjari
  • at fáa loyvisbræv sum ketilpassari og kølimontørur
  • at kunna luttaka í førleikagevandi skeiðum um innregulering og funktiónskanning av gasskyndum útbúnaði
  • at vera sakkønur sambært kunngerð um trýstíløt og rørskipan undir trýsti.

Her er tó í hvørjum einstøkum føri neyðugt við starvsvenjing innan viðkomandi øki.Sí annars kunngerð um maskinmeistaraútbúgving

Maskinistútbúgvingin

Maskinistútbúgvingin tekur uml. 9 mánar. Her ganga næmingarnir fyrst í skúla í ½ ár, og fáa undirvísing í teknisku fakunum. Eftir próvtøku í teknisku fakunum, vera neyðug skeið tikin og tekur hetta á leið 3 mánar.
Útbúgvingin gevur førleika til at sigla við rang upp til 2.maskinmeistara á øllum skipum, og við rang upp til maskinstjóra við skipum við framtøkumegi upp til 2999 kW, tá ið neyðug starvsvenjing er nádd.

Maskinmeistaraútbúgving sum ASPIRANTUR

Sí heimasíðuna um aspirantar trýst her